പേരാമ്പ്ര: മലബാറിലെ പ്ലസ് വണ് സീറ്റ് ക്ഷാമം പരിഹരിക്കണമെന്നാവശ്യപ്പെട്ട് എം.എസ്.എഫ് പേരാമ്പ്ര നിയോജക മണ്ഡലം കമ്മിറ്റിയുടെ ആഭിമുഖ്യത്തില് സിവില് സ്റ്റേഷന് മാര്ച്ച് നടത്തി. പേരാമ്പ്ര യത്തീംഖാന പരിസരത്ത് നിന്ന് ആരംഭിച്ച മാര്ച്ച് സിവില് സ്റ്റേഷനു മുന്നില് സമാപിച്ചു.
പരിപാടിക്ക് ശേഷം പ്രവര്ത്തകര് ഉപജില്ല വിദ്യാഭ്യാസ ഓഫീസിലേക്ക് ഇരച്ചു കയറാന് ശ്രമിച്ചു. പൊലീസിന്റെ സന്നിധ്യമുണ്ടായിട്ടും പ്രവര്ത്തകര് ഓഫീസിലേക്ക് ഓടിക്കയറാന് ശ്രമിക്കുകയായിരുന്നു. ഉടന്നേതാക്കളും പൊലീസും എത്തി പ്രവര്ത്തകരെ നീക്കുകയായിരുന്നു.
മാര്ച്ച് മുസ്ലിം ലീഗ് പേരാമ്പ്ര നിയോജക മണ്ഡലം പ്രസിഡന്റ് ആര്.കെ മുനീര് ഉദ്ഘാടനം ചെയ്തു. രണ്ട് ലക്ഷം വിദ്യാര്ഥികള് അലോട്മെന്റില് നിന്ന് പുറത്തായിട്ടും ഇടത് സര്ക്കാരിനും വിദ്യാഭ്യാസ മന്ത്രിക്കും ഇതൊരു ഗൗരവമായ വിഷയമേയല്ലെന്നും വിദ്യാര്ഥികള്ക്ക് ഇഷ്ടപ്പെട്ട വിഷയങ്ങള് ലഭിക്കുന്നില്ലെങ്കില് കിട്ടുന്ന വിഷയങ്ങളില് ചേര്ന്നു പഠിക്കണമെന്ന പ്രതികരണമാണ് സര്ക്കാരിന്റെ ഭാഗത്തു നിന്നും ഉണ്ടായിക്കൊണ്ടിരിക്കുന്നതെന്നും മുനീര് ആരോപിച്ചു.
എംഎസ്എഫ് നിയോജക മണ്ഡലം പ്രസിഡന്റ് നിയാസ് കക്കാട് അദ്ധ്യക്ഷനായിരുന്നു. മുസ്ലിം യൂത്ത് ലീഗ് ജില്ലാ പ്രസിഡന്റ് മിസ്ഹബ് കീഴരിയൂര്, മുസ്ലിം ലീഗ് മണ്ഡലം ജനറല് സെക്രട്ടറി ടി.കെ.എ ലത്തീഫ്, ട്രഷറര് എം.കെ.സി കുട്ട്യാലി, മുസ്ലിം യൂത്ത് ലീഗ് മണ്ഡലം പ്രസിഡന്റ് പി.സി മുഹമ്മദ് സിറാജ്, കെ.പി റസാക്ക്, ടി.കെ നഹാസ്, ഷംസുദ്ധീന് വടക്കയില്, ജറീഷ്, ആര്.കെ മുഹമ്മദ്, സഈദ് അയനിക്കല്, റഹീം എന്നിവര് സംസാരിച്ചു.
അജ്നാസ് കാരയില് സ്വാഗതവും തബ്ശീര് ചെമ്പനോട നന്ദിയും പറഞ്ഞു. മാര്ച്ചിന് ദില്ഷാദ് കുന്നിക്കല്, ഫര്ഹാന് ആവള, കെ.സി വാസിക്ക്, റാസില് തറമ്മല്, ആഷിക്ക് അലി, ആസിഫ് മുയിപ്പോത്ത്, വി.എം അഫ്സല്, ഇസ്മായില് അരിക്കുളം, മുഹമ്മദ് ഷിയാസ്, എം.കെ ഫസലുറഹ്മാന് മേപ്പയ്യൂര്, കെ.ടി ഫവാസ്, ഷുഹൈബ് തറമ്മല്, റിത്താജ് എരോത്ത്, പി.ടി മുഹമ്മദ് ഉനൈസ്, സല്മാന് വാല്യക്കോട് എന്നിവര് നേതൃത്വം നല്കി.
പരിപാടിക്ക് ശേഷം പ്രവര്ത്തകര് ഉപജില്ല വിദ്യാഭ്യാസ ഓഫീസിലേക്ക് ഇരച്ചു കയറാന് ശ്രമിച്ചു. പൊലീസിന്റെ സന്നിധ്യമുണ്ടായിട്ടും പ്രവര്ത്തകര് ഓഫീസിലേക്ക് ഓടിക്കയറാന് ശ്രമിക്കുകയായിരുന്നു. ഉടന് പൊലീസ് എത്തി പ്രവര്ത്തകരെ നീക്കുകയായിരുന്നു.
Plus one seat shortage; Attempt to storm MSF Civil Station March into Education Office perambra