കൊയിലാണ്ടി: ദേശീയപാതയില്‍ ലോറിക്കടിയില്‍പ്പെട്ട് പന്തലായനി മീത്തല്‍ വീട്ടില്‍ ഹരിദാസിന്റെ ഭാര്യ ഷീബ മരിച്ചത് സ്‌കൂട്ടര്‍ ഓവര്‍ടേക്ക് ചെയ്യുന്നതിനിടെയെന്ന് ദൃക്‌സാക്ഷികള്‍.
കോഴിക്കോട് ഭാഗത്തേക്ക് പോകുന്ന സ്‌കൂട്ടര്‍ ഓവര്‍ടേക്ക് ചെയ്യുന്നതിനിടെ ചരക്കുമായി പോകുന്ന ലോറിയില്‍ കുരുങ്ങുകയായിരുന്നു. സ്‌കൂട്ടറിന് പിന്നിലിരുന്ന ഷീബ ലോറിക്കടിയിലേക്ക് വീഴുകയും ലോറി മുകളിലൂടെ കയറി ഇറങ്ങുകയുമായിരുന്നെന്ന് ദൃക്ഷ്‌സാക്ഷികള്‍ പറയുന്നു.
മകളുടെ ഭര്‍ത്താവിനൊപ്പം സ്‌കൂട്ടറില്‍ സഞ്ചരിക്കവേ ഇന്ന് ഉച്ചയ്ക്കായിരുന്നു കൊയിലാണ്ടി ടൗണിലെ നന്തിലത്ത് ജിമാര്‍ട്ടിന് മുന്നില്‍ വെച്ച് അപകടം നടന്നത്. ഷീബ സംഭവ സ്ഥലത്ത് വെച്ച് തന്നെ മരിച്ചു. ഒപ്പമുണ്ടായിരുന്ന മരുമകന്‍ അഖിലിനെ പരുക്കുകളോടെ ആശുപത്രിയില്‍ പ്രവേശിപ്പിച്ചു.
കൂടുതല്‍ അന്വേഷണങ്ങള്‍ക്കായി സിസിടിവി ദൃശ്യങ്ങള്‍ പരിശോധിച്ച് വരികയാണെന്ന് കൊയിലാണ്ടി പൊലീസ് പറഞ്ഞു. മൃതദേഹം ഇന്‍ക്വസ്റ്റ് നടപടികള്‍ പൂര്‍ത്തീകരിച്ച് നാളെ രാവിലെ പോസ്റ്റ്‌മോര്‍ട്ടത്തിന് ശേഷം ബന്ധുക്കള്‍ക്ക് വിട്ടുനല്‍കും.
Koyilandy accident: Eyewitnesses say the scooter was overtaking
.jpeg)
.png)
.jpeg)
.jpg)
