പേരാമ്പ്ര: താനിക്കണ്ടി-ചക്കിട്ടപാറ റോഡ് പ്രവര്‍ത്തി കരാര്‍ നല്‍കിയത് സംബന്ധിച്ച് വിജിലന്‍സ് അന്വേഷണം നടത്തണമെന്ന് മുസ്ലിംലീഗ് ജില്ലാ സെക്രട്ടറി സി.പി.എ.അസീസ്. പേരാമ്പ്ര മേഖലയിലെ മൂന്ന് റോഡ് പ്രവര്‍ത്തി കരാര്‍ ഏറ്റെടുക്കാന്‍ കാസര്‍ഗോഡ് നിന്ന് കരാറുകാരെ എത്തിച്ചതതിന്റെ പിന്നില്‍ നടന്ന അഴിമതിയെക്കുറിച്ചും അന്വേഷണം നടത്തണം.
ഒമ്പത് മാസം കൊണ്ട് പണി പൂര്‍ത്തീകരിക്കേണ്ട താനിക്കണ്ടി റോഡിന്റെ പ്രവര്‍ത്തി പതിനാറു മാസംകൊണ്ട് പത്തു ശതമാനം മാത്രം നടത്തിയ കരാറുകാരന്‍ വകുപ്പ് മന്ത്രി നേരിട്ട് എത്തി നിര്‍ദേശം കൊടുത്തിട്ടു പോലും പ്രവൃത്തി പൂര്‍ത്തീകരിക്കാന്‍ തയ്യാറാവാതിരുന്നത് ഭരണ കക്ഷിയിലെ ഉന്നതരുടെ സംരക്ഷണം കൊണ്ടാണ്.
പ്രവര്‍ത്തി ഇഴഞ്ഞു നീങ്ങുന്നതിലുള്ള ജനങ്ങളുടെ പ്രതിഷേധം മുന്നില്‍കണ്ടു കൊണ്ടാണ് കരാറുകാരനെ മാറ്റാന്‍ ഇപ്പോള്‍ തയ്യാറായത്. റോഡിന്റെ പണി പൂര്‍ത്തീകരിക്കണമെന്നാവശ്യപ്പട്ട് യു.ഡി. എഫ്. കൂത്താളി പഞ്ചായത്ത് കമ്മിറ്റി കിഴക്കന്‍ പേരാമ്പ്രയില്‍ സംഘടിപ്പിച്ച സായാഹ്ന ധര്‍ണ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
തണ്ടോറ ഉമ്മര്‍ ആധ്യക്ഷനായി. മോഹന്‍ദാസ് ഓണിയില്‍, അബ്ദുള്ള ബൈത്തുല്‍ ബര്‍ക്ക, ഇബ്രാഹിം പാലാട്ടക്കര, പൂളക്കണ്ടി കുഞ്ഞമ്മദ്, സി.കെ.ബാലന്‍, പി.സി. കാര്‍ത്ത്യാനി, സി.എന്‍. നാരായണന്‍, ടി.പി. പ്രഭാകാരന്‍, കിഴക്കേടത്ത് സിറാജ്, പൊറായ് മുഹമ്മദ്, കെ.കെ.ഫാത്തിമ, കെ.പി അബ്ദുള്ളമൗലവി എന്നിവര്‍ സംസാരിച്ചു.
chakkittapara-thanikkandy road Vigilance should investigate corruption in road contract; CPA Aziz
.jpeg)
