പേരാമ്പ്ര: കായണ്ണ ഗ്രാമ പഞ്ചായത്തിലെ എല്ലാ വീടുകളിലും മത്സ്യകൃഷി എന്ന ലക്ഷ്യവുമായി മത്സ്യസമൃദ്ധി പദ്ധതി ആരംഭിച്ചു. മത്സ്യഫെഡിന്റെ സഹായത്തോടെ 350 കര്‍ഷകരാണ് ഒന്നാം ഘട്ടത്തില്‍ കൃഷി ഇറക്കിയത്.
കര്‍ഷകര്‍ക്കാവശ്യമായ മത്സ്യക്കുഞ്ഞുങ്ങളെ മത്സ്യഫെഡ് സൗജന്യമായി വിതരണം ചെയ്തു. കട്‌ല, രോഹു, തിലാപ്പിയ, സൈപ്രിനസ് എന്നീ മത്സ്യക്കുഞ്ഞുങ്ങളെയാണ് വിതരണം ചെയ്യുന്നത്.
സ്വന്തമായി മത്സ്യക്കുളം നിര്‍മിക്കാന്‍ കഴിയാത്തവര്‍ക്ക് തൊഴിലുറപ്പു പദ്ധതിയില്‍ ഉള്‍പ്പെടുത്തി കുളം നിര്‍മിച്ചു നല്‍കുന്നു. അക്വാ പോണിക്‌സ്, ബയോ ഫോക്‌സ്, കൂടുകൃഷി തുടങ്ങിയ വന്‍കിട പദ്ധതികളും തെരഞ്ഞെടുത്ത കര്‍ഷകരിലൂടെ നടപ്പിലാക്കും.
പഞ്ചായത്ത് പ്രസിഡണ്ട് സി.കെ ശശി പദ്ധതി ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്റ്റാന്റിംഗ് കമ്മറ്റി ചെയര്‍മാന്‍ കെ.കെ.നാരായണന്‍ അധ്യക്ഷനായി. ജയപ്രകാശ്, പി.കെ.ഷിജു, സുനില്‍, കെ.വി.സി ഗോപി എന്നിവര്‍ സംസാരിച്ചു.
Kayanna Grama Panchayat is ready to achieve fish abundance
