പേരാമ്പ്ര: ചേനോളി കരുവാന്‍കണ്ടി-നീലോത്ത് കോളനി റോഡ് ഉടന്‍ നന്നാക്കുക എന്നാവശ്യപ്പെട്ടു കോണ്‍ഗ്രസ്സ് കമ്മറ്റിയുടെ നേതൃത്വത്തില്‍ ഗാന്ധിജയന്തി ദിനത്തില്‍ സത്യാഗ്രഹ സമരം സംഘടിപ്പിച്ചു.
നൊച്ചാട് ഗ്രാമ പഞ്ചായത്ത് ഭരണസമിതിയുടെയും, പ്രാദേശിക സിപിഎം ന്റെയും പോരായ്മ കൊണ്ടാണ് കഴിഞ്ഞ 20 വര്‍ഷമായി റോഡ് നന്നാക്കാതെ യാത്രാ ദുരിതമനുഭവിക്കുന്നത് എന്ന് കോണ്‍ഗ്രസ്സ് ആരോപിച്ചു.
ഐഎന്‍ടിയുസി നിയോജക മണ്ഡലം പ്രസിഡണ്ട് വി.വി.ദിനേശന്‍ ഉദ്ഘാടനം ചെയ്തു. വര്‍ഷങ്ങള്‍ മുമ്പ് ഈ റോഡിനു വേണ്ടി ഫണ്ട് അനുവദിച്ചു എന്നു പറയുന്നുണ്ടെങ്കിലും ഓരോ കാരണം പറഞ്ഞ് റോഡ് പണി ഇതു വരെനടന്നിട്ടില്ല.
സമരസമിതി സമരം നടത്തുമ്പോള്‍ ഓരോ ലോഡ് മെറ്റല്‍, അല്ലെങ്കില്‍ ക്വാറി വേസ്റ്റ് എന്നിവ ഇറക്കും. ഇങ്ങനെ ഇറക്കിയ സാധനങ്ങള്‍ റോഡില്‍ തന്നെ കിടക്കുന്നത് മാസങ്ങളായി. സമര പരിപാടിയില്‍ കെ.കെ.വത്സന്‍ അദ്ധ്യക്ഷത വഹിച്ചു.
മണ്ഡലം കോണ്‍ഗ്രസ്സ് സെക്രട്ടറി എ.ഗോവിന്ദന്‍ , സ്വപ്ന റനീഷ്, ആര്‍.എം പ്രവീണ്‍, ആര്‍.എം സന്തോഷ്, രാമചന്ദ്രന്‍ ആയടത്തില്‍, ടി.പി പ്രദീപന്‍ എന്നിവര്‍ സംസാരിച്ചു.
20 years since the onset of travel distress in Chenoli; Congress launches Satyagraha strike
.jpeg)
_(2).jpeg)
.jpg)
