പേരാമ്പ്ര: കൂരാച്ചുണ്ട് ഗ്രാമപഞ്ചായത്തിലെ പത്താം വാര്ഡിലെ കുറുവത്താഴ പാലം പുതുക്കി പണിയാത്ത പഞ്ചായത്ത് നിലപാടില് പ്രതിഷേധിച്ച് സിപിഐ കൂരാച്ചുണ്ട് ബ്രാഞ്ച് കമ്മറ്റി പാലത്തില് റീത്ത് വച്ച് പ്രതിഷേധിച്ചു.
40 വര്ഷത്തില് കൂടുതല് പഴക്കമുള്ള പാലമാണിത്. നാല് വര്ഷത്തോളമായി ഈ പാലം അപകടത്തിലായിട്ട്.
കാപ്പാട്ട് കുന്ന് നിവാസികള് മുതല് നിരവധിയാളുള് ഈ റോഡ് വഴിയാണ് യാത്ര ചെയ്യുന്നത്. ഭാരം കയറ്റിയ വാഹനങ്ങള് ഉള്പ്പെടെ നിരവധി വാഹനങ്ങള് ഈ പാലം വഴി കടന്നു പോകുന്നുമുണ്ട്.
പാലത്തിന്റെ അടി വശത്തെ കല്ലുകള് ഇളകി കിടക്കുന്ന അവസ്ഥയിലാണ്. സ്ലാബ് താങ്ങി നിര്ത്തുന്ന കല്ലുകള് ഇളകിപ്പോയാല് അപകടം ഉറപ്പാണ്.
പാലം പണി കഴിയുന്നത് വരെ ഈ റോഡ് വഴി ഗതാഗതം നിരോധിക്കണമെന്ന് സിപിഐ ആവശ്യപ്പെട്ടു. എ.കെ.പ്രേമന്, ടി കെ ശിവദാസന് പീറ്റര് എന്നിവര് സംബന്ധിച്ചു.
The CPI (M) protested against the non-renovation of the Kuruvathazha bridge