പേരാമ്പ്ര : വര്‍ഷങ്ങളായി ഒരുജനത ശാപമോക്ഷം കാത്തിരുന്ന റോഡ് ഒടുവില്‍ നവീകരണ പ്രവര്‍ത്തി അവസാന ഘട്ടത്തിലെത്തിയപ്പോള്‍ വെട്ടി പൊളിക്കാനായി ജല്‍ജീവന്‍ കരാറുകാര്‍.
ചങ്ങരോത്ത് ഗ്രാമപഞ്ചായത്തിലെ വടക്കുമ്പാട് വഞ്ചിപ്പാറ ഗോപുരത്തിലിടം റോഡാണ് നവീകരണ പ്രവര്‍ത്തി അവസാന ഘട്ടത്തിലെത്തിയപ്പോള്‍ വെട്ടി പൊളിക്കാനായി ജല്‍ജീവന്‍ കരാറുകാര്‍ എത്തിയത്.
കാലങ്ങളായി ഗതാഗത യോഗ്യമല്ലാത്ത റോഡ് നവീകരണത്തിന് കോടികള്‍ സര്‍ക്കാര്‍ വകയിരുത്തിയിട്ടും നിര്‍മ്മാണ പ്രവര്‍ത്തി ഏറ്റെടുത്ത കരാറുകാര്‍ പ്രവര്‍ത്തി പൂര്‍ത്തികരിക്കാതെ അലംഭാവം കാട്ടിയതോടെ കരാറുകാരനെ പൊതുമരാമത്ത് വകുപ്പ് ഒഴിവാക്കുകയായിരുന്നു. തുടര്‍ന്ന് നടന്ന ടെണ്ടറുകളില്‍ വന്ന കരാറുകര്‍ പ്രവര്‍ത്തി ഏറ്റെടുത്ത് നടത്താതായതു മൂലം ഈ റോഡിലൂടെയുള്ള ഗതാഗതം ദുര്‍ഗഡമായി.
നാട്ടുകാര്‍ നടത്തിയ സമരത്തിന്റെ അടിസ്ഥാനത്തില്‍ പുതിയ കരാറുകാരെ പ്രവര്‍ത്തി ഏല്പിക്കുകയായിരുന്നു. പുതുതായി കരാര്‍ ഏറ്റെടുത്ത യുഎല്‍സിസി പ്രവര്‍ത്തി ആരംഭിക്കുന്ന ഘട്ടത്തിലാണ് ജല്‍ജീവന്‍ പദ്ധതിയുടെ പൈപ്പിടല്‍ ആരംഭിക്കുന്നത്.
റോഡ് നവീകരണ പ്രവര്‍ത്തി ഇത് മൂലം നീണ്ടു പോവുകയും ചെയ്തു. എന്നാല്‍ ഇപ്പോള്‍ റോഡ് നവീകരണ പ്രവര്‍ത്തി അവസാന ഘട്ടത്തിലേക്ക് എത്തിയ സമയത്താണ് വെട്ടി പൊളിക്കാനായി ജല്‍ജീവന്‍ കരാറുകാര്‍ എത്തിയത്.
വഞ്ചിപ്പാറ മുതല്‍ ഗോപുരത്തിലിടം വരെയുള്ള ഭാഗം ബിഎംബിസി ടാറിംഗിനായി ഒരുക്കിയ പ്രതലം ജല്‍ജീവന്‍ കരാറുകാര്‍ രാത്രി സമയത്ത് എത്തി വെട്ടി പൊളിക്കുകയായിരുന്നു. വഞ്ചിപ്പാറയില്‍ പാറ പൊട്ടിച്ച സ്ഥലത്ത് ഇരുമ്പ് പൈപ്പ് സ്ഥാപിക്കാനുണ്ട്. ഇതിനായാണ് രാത്രിയിലെത്തി റോഡ് വെട്ടിപൊളിച്ചത്.
ഇതിന്റെ സമീപത്തായി ഭാഗത്ത് 40 മീറ്ററോളം ഭാഗത്ത് പൈപ്പ് സ്ഥാപിച്ചിട്ടുമില്ലെന്ന് നാട്ടുകാര്‍ പറഞ്ഞു. നാട്ടുകാര്‍ നിരന്തരം പരാതി പറഞ്ഞതിന്റെ അടിസ്ഥാനത്തില്‍ എത്തിയ കരാറുകര്‍ ഇവിടെ പൈപ്പ് സ്ഥാപിച്ചിട്ടുണ്ടെന്ന് അറിയിച്ച് തിരിച്ച് പോയതായും റോഡ് പ്രവര്‍ത്തി കഴിഞ്ഞ് വെട്ടിപൊളിക്കാന്‍ എത്തിയാല്‍ തടയുമെന്നും നാട്ടുകാര്‍ അറിയിച്ചു.
Jaljeevan to be cut and demolished in the last phase of road renovation
.jpeg)
