---
title: "പുതിയ എല്‍ഡിഎഫ് കണ്‍വീനര്‍ ചുമതല ടി.പി രാമകൃഷ്ണന് "
english_title: "TP Ramakrishnan is the new LDF convener"
publisher: "perambranews.in"
canonical_url: "https://perambra.truevisionnews.com/news/232329/tp-ramakrishnan-is-the-new-ldf-convener"
published_at: "2024-08-31T17:39:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66d3098ce63f2_a_tpp.jpg"
keywords: []
---

# പുതിയ എല്‍ഡിഎഫ് കണ്‍വീനര്‍ ചുമതല ടി.പി രാമകൃഷ്ണന് 

> **Lead Summary:** **തിരുവനന്തപുരം:** എല്‍ഡിഎഫ് കണ്‍വീനറായി ടി പി രാമകൃഷ്ണനെ ചുമതലപ്പെടുത്തിയതായി സിപിഐഎം സംസ്ഥാന സെക്രട്ടറി എംവി ഗോവിന്ദന്‍ അറിയിച്ചു.

## Article Content

**തിരുവനന്തപുരം:** എല്‍ഡിഎഫ് കണ്‍വീനറായി ടി പി രാമകൃഷ്ണനെ ചുമതലപ്പെടുത്തിയതായി സിപിഐഎം സംസ്ഥാന സെക്രട്ടറി എംവി ഗോവിന്ദന്‍ അറിയിച്ചു.

മുന്നണിയുടെ പ്രവര്‍ത്തനങ്ങള്‍ ഏകോപിപ്പിക്കുന്നതിലും കണ്‍വീനറായി തുടരുന്നതിലും ഇ പി ജയരാജന് പരിമിതിയുണ്ടെന്നും അദ്ദേഹം പറഞ്ഞു.

ഒന്നാം പിണറായി വിജയന്‍ മന്ത്രി സഭയില്‍ എക്സൈസ്- തൊഴില്‍ വകുപ്പ് മന്ത്രിയായിരുന്നു ടിപി രാമകൃഷ്ണന്‍. നിയമസഭയില്‍ പേരാമ്പ്ര നിയമസഭാ മണ്ഡലത്തെ പ്രതിനിധീകരിക്കുന്ന ടി പി നിലവില്‍ എല്‍ഡിഎഫ് എംഎല്‍എമാരുടെ ഏകോപന ചുമതലയുള്ള നേതാവ് കൂടിയാണ്.

ബിജെപി നേതാക്കളുമായുള്ള കൂടിക്കാഴ്ച്ച വിവാദത്തിലാണ് ഇപി ജയരാജനെ എല്‍ഡിഎഫ് കണ്‍വീനര്‍ സ്ഥാനത്ത് നീക്കിയത്. ഇന്നത്തെ സിപിഐഎം സംസ്ഥാന സമിതി യോഗത്തില്‍ ഇ പി പങ്കെടുത്തില്ല.

ഇ പി ജയരാജന്‍ പ്രകാശ് ജാവദേക്കറുമായി നടത്തിയ കൂടിക്കാഴ്ച്ചയില്‍ മുന്നണിക്കുള്ളില്‍ നിന്നും കടുത്ത അതൃപ്തി ഉയര്‍ന്നിരുന്നു. ഇ പി നേരത്തെ കണ്ണൂരിലെ വീട്ടിലേക്കെത്തിയെങ്കിലും വിഷയത്തില്‍ മാധ്യമങ്ങളോട് പ്രതികരിച്ചിരുന്നില്ല.

### Related Links & Sources
- [Original Story Source](https://perambra.truevisionnews.com/news/232329/tp-ramakrishnan-is-the-new-ldf-convener)