കോഴിക്കോട് : ഇന്ത്യന്‍ നാടക രംഗത്തെ അതികായകരായ അണിയറ അന്‍പതാം വാര്‍ഷിക ആഘോഷത്തില്‍. കോഴിക്കോട് നടക്കുന്ന മൂന്നു മാസത്തെ വിപുലമായ ആഘോഷങ്ങള്‍ക്കു ജനുവരിയില്‍ തുടക്കമാകും.
യുനെസ്‌കോ സാഹിത്യ നഗരമായി പ്രഖ്യാപിച്ച കോഴിക്കോടെന്റെ, കലാ സാഹിത്യ സാംസ്‌കാരിക രംഗത്തിന് അണിയറ നല്‍കിയ സംഭാവനകള്‍ മൂല്യവത്താണ്. ഇക്കാര്യം മുന്‍ നിര്‍ത്തി രാജ്യത്തിനു അകത്തും പുറത്തു നിന്നുമായി നിരവധി പേര് ഭാഗവക്കാകും. മികച്ച പിന്തുണയുമായി ചലച്ചിത്ര, നാടക കലാ രാഷ്ട്രീയ പ്രമുഖര്‍ രംഗത്തുണ്ട്.
മലയാളിയുടെ അഭിമാനമായ നിരവധി കലാകാരന്മാരെ ഊര്‍ജ്ജവും ഊഷ്മാവും വളര്‍ച്ചയും നല്‍കിയ തേജസ് അണിയറക്കുണ്ട്. അസ്വാദനം അവിസ്മരണീയമാക്കിയ അഭിനേത്രികളും അഭിനേതാക്കളും അനവധിയാണ്. വേദികള്‍, തിരശീല, മത്സര രംഗം, ഗവേഷണം, മികവ്, ഉന്നത നിലവാരം, ജനപ്രീതി, അച്ചടക്കം എന്നിവയില്‍ മാതൃകയായി വര്‍ത്തിച്ചു.
ജനുവരി മൂന്നിന് വൈകുന്നേരം നാലരയ്ക്കു കോഴിക്കോട് കൈരളി തീയറ്റര്‍, പ്രൊഫ: എസ്. രാമാനുജം നഗറില്‍ മെയര്‍ ഡോ: ബീന ഫിലിപ്പ് ഉദ്ഘാടനം നിര്‍വ്വഹിക്കും. തോട്ടത്തില്‍ രവീന്ദ്രന്‍ എംഎല്‍എ മുഖ്യാതിഥി, നന്മ സംസ്ഥാന പ്രസിഡണ്ട് വിന്‍സെന്റ് സാമൂവല്‍ എന്നിവര്‍ സംസാരിക്കും. അണിയറ പ്രസിഡണ്ട് പോള്‍ കല്ലാനോട് അധ്യക്ഷത വഹിക്കും.
മലയാളത്തിലെ പ്രമുഖ നാടക പ്രവര്‍ത്തകരായ ജയപ്രകാശ് കാര്യാല്‍, ജയപ്രകാശ് കൂളൂര്‍, അശോകന്‍ മണാശേരി, വിശ്വം കെ അഴകത്ത്, ശിവരാമന്‍ കോഴിക്കോട്, സാവിത്രി ശ്രീധരന്‍, എം.സി സുകുമാരന്‍, റാണി ദിവാകരന്‍ എന്നിവര്‍ അനുഭവങ്ങള്‍ പങ്കുവെക്കും. സെമിനാറില്‍ സ്‌കൂള്‍ ഓഫ് ഡ്രാമ അധ്യാപകനും സംവിധായകനും അന്തര്‍ ദേശീയ പരിശീലകനുമായ ഗോപിനാഥ് കോഴിക്കോട് അവതാരകന്‍ ആകും. അരങ്ങ് സാധ്യതയും പരിമിതികളും വിഷയം അവതരിപ്പിക്കും.
വൈകുന്നേരം നാടകായനം കാലത്തിനൊപ്പം, അന്നും ഇന്നും സെമിനാര്‍, മലയാളി നാടകം അന്‍പതു വര്‍ഷങ്ങള്‍ എന്നീ വിഷയങ്ങളില്‍ ഡോക്ടര്‍ കെ.വി സജയ് സംസാരിക്കും. കാലിക്കറ്റ് സര്‍വ്വ കലാശാല സ്‌കൂള്‍ ഓഫ് ഡ്രാമ മുന്‍ ഡയറക്ടര്‍ ഡോ: എ.കെ നമ്പ്യാര്‍, ചലിച്ചിത്ര സംവിധായകരായ ശ്യാമ പ്രസാദ്, വി.എം വിനു, അഭിനയ പരിശീലകന്‍ മുരളി മേനോന്‍, കേരള സംഗീത നാടക ആക്കാഡമി സെക്രട്ടറി കരിവെള്ളൂര്‍ മുരളി എന്നിവര്‍ ആശംസയും പിന്തുണയും പ്രഖ്യാപിച്ചു.
എരഞ്ഞിപ്പാലം വാഗ്ഭടാനന്ദ ഗുരുദേവന്‍ സ്മാരക വായന ശാലയുടെ രാഗപരാഗം നാടക ഗാനലാപനം നടക്കും. അണിയറ സെക്രട്ടറി കെ.ആര്‍ മോഹന്‍ദാസ് സ്വാഗതവും ജോ : സെക്രട്ടറി വിജയന്‍ വി നായര്‍ നന്ദിയും രേഖപ്പെടുത്തും.
Aniyara's fiftieth anniversary celebration at kozhikkode
.jpg)
