പേരാമ്പ്ര: നൊച്ചാട് ഹയര്‍ സെക്കണ്ടറി സ്‌കൂളില്‍ നിന്നും ഈ വര്‍ഷം എസ്എസ്എല്‍സി പരീക്ഷയില്‍ എല്ലാ വിഷയത്തിനും എപ്ലസ് നേടിയവരെയും 9 വിഷയങ്ങള്‍ക്കും എപ്ലസ് നേടിയ 120 പേരെയും സ്റ്റാഫ് കൗണ്‍സില്‍ ഒന്നാംഘട്ടത്തില്‍ അനുമോദിച്ചു.
പരീക്ഷയെഴുതിയ 457 പേരില്‍ 453 പേര്‍ ഉപരിപഠനത്തിന് അര്‍ഹത നേടിയത് സ്‌കൂളിന് അഭിമാനമായിമാറി. ചിട്ടയായ അക്കാദമിക് പ്രവര്‍ത്തനത്തിന്റെ ഫലമായാണ് ഈ മികച്ച വിജയം സ്‌കൂളിന് ലഭിച്ചത്.
പ്രധാനധ്യാപിക സി.നസീറ ചടങ്ങ് ഉദ്ഘാടനം ചെയ്തു. ഡെപ്യൂട്ടി ഹെഡ്മിസ്ട്രസ് ടി.കെ. റാബിയ അധ്യക്ഷത വഹിച്ചു. എം.പി.ടി എ പ്രസിഡണ്ട് കെ.ഹൈറുന്നിസ പി.ടി ആരിഫത്ത്, എ.പി അസീസ്, കെ.സഹീര്‍ , വി.എം അഷറഫ്, പി.എം ബഷീര്‍, കെ.പി ചിത്ര, നീലിമ ഇബ്രാഹിം , കെ.റസീന തുടങ്ങിയവര്‍ സംസാരിച്ചു.
Nochad Higher Secondary School felicitated those who achieved high results
.jpg)
