പേരാമ്പ്ര: പൂഴിത്തോട്ടില് വാര്ഡ് കോണ്ഗ്രസ് കമ്മിറ്റിയുടെ ആഭിമുഖ്യത്തില് പ്രവര്ത്തക കണ്വെന്ഷന് നടന്നു. ഗ്രാമ പഞ്ചായത്ത് അംഗം ഏകപക്ഷീയമായി കാര്യങ്ങള് തീരുമാനിക്കുകയും കോണ്ഗ്രസ്കാരെ അവഗണിക്കുന്നതായും യോഗത്തില് ഗ്രാമ പഞ്ചായത്ത് അംഗങ്ങള്ക്കെതിരെ വിമര്ശനം ഉയര്ന്നു.
പേരാമ്പ്ര ബ്ലോക്ക് കോണ്ഗ്രസ് കമ്മിറ്റി വൈസ് പ്രസിഡണ്ട് കെ.എ ജോസുകുട്ടി കണ്വെന്ഷന് ഉത്ഘാടനം ചെയ്തു. പ്രസിഡണ്ട് അഗസ്റ്റില്. അമ്പാട്ട് അദ്ധ്യക്ഷത വഹിച്ചു.
കോണ്ഗ്രസ് പ്രതിനിധികള് ഒരാള് പോലും അയല് കൂട്ടങ്ങളിലും ആര്ആര്ടി മെമ്പര്മാരായും ഒരാള് പോലും ഇല്ല. പഞ്ചായത്തുമായി ബന്ധപ്പെട്ട യാതൊരു വിവരങ്ങളും കോണ്ഗ്രസ്കാര് അറിയുന്നില്ല. തൊഴിലുറപ്പ് തൊഴിലാളികള് പണിക്കിറങ്ങുന്നതിന് മുന്പ്പ് രാവിലെ ഗ്രാമ പഞ്ചായത്ത് അംഗം വിളിച്ചു കൂട്ടുന്ന സ്ഥലത്ത് കൂട്ടത്തോടെ എത്തി ഗ്രാമ പഞ്ചായത്ത് അംഗത്തിന്റെ നിര്ദ്ദേശപ്രകാരം പണിക്കിറങ്ങുന്നു എന്നും യോഗത്തില് ആരോപിച്ചു.
മാറ്റ്മാരെ തിരഞ്ഞെടുത്തതില് ഒരാള് പോലും കോണ്ഗസ് അനുഭാവികള് ഇല്ല ഇങ്ങനെ മറ്റുള്ള വാര്ഡുകളില് നടക്കാത്ത രീതിയും സമീപനവും ആണ് പൂഴിത്തോട് ഗ്രാമ പഞ്ചായത്ത് അംഗത്തിന്റെ ഭാഗത്ത് നിന്ന് ഉണ്ടാവുന്നതെന്നും ഇതിനെതിരെ പ്രതികരിക്കുവാനും കണ്വെന്ഷനില് തീരുമാനമെടുത്തു.
ഗ്രാമ പഞ്ചായത്ത് അംഗം ലൈസ ജോര്ജ്, മണ്ഡലം യൂത്ത് കോണ്സ് പ്രസിഡണ്ട് റിച്ചാര്ഡ് ജോണ് , ബൂത്ത് കമ്മിറ്റി പ്രസിഡണ്ട് ബോബന് വെട്ടിക്കല് , ബേബി കുബ്ലാനിയ്ക്കല്, ബിനോയ് കൊല്ലക്കൊമ്പില്, ഷാരോണ് കണ്ണന് ചിറ, രാജി ഉറുമ്പില്, സണ്ണി ആയിത്തമറ്റത്തില് തുടങ്ങിയവര് സംസാരിച്ചു.
Alleged neglect of Congress workers in Chakkitapara Poozhithodu ward