---
title: "നിങ്ങള്‍ ചുരുങ്ങിയ ചിലവില്‍ വിനോദയാത്ര പോകാന്‍ ആഗ്രഹിക്കുന്നോ! പൂജ അവധി ദിനങ്ങളില്‍ യാത്രയ്‌ക്കൊരുങ്ങി കെഎസ്ആര്‍ടിസിയും "
english_title: "Do you want to go on a cheap excursion? KSRTC also ready to travel during Puja holidays"
publisher: "perambranews.in"
canonical_url: "https://perambra.truevisionnews.com/news/72157/do-you-want-to-go-on-a-cheap-excursion-ksrtc-also-ready-to-travel-during-puja-holidays"
published_at: "2022-10-02T18:58:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/633993c00874f_OBIT_CARD_JPG.JPG"
keywords: []
---

# നിങ്ങള്‍ ചുരുങ്ങിയ ചിലവില്‍ വിനോദയാത്ര പോകാന്‍ ആഗ്രഹിക്കുന്നോ! പൂജ അവധി ദിനങ്ങളില്‍ യാത്രയ്‌ക്കൊരുങ്ങി കെഎസ്ആര്‍ടിസിയും 

> **Lead Summary:** ** പേരാമ്പ്ര: **പൂജ അവധി ദിനങ്ങളില്‍ ജില്ലയിലെ വിവിധ യൂണിറ്റുകളില്‍ നിന്ന് വിനോദസഞ്ചാര കേന്ദ്രങ്ങളിലേക്ക് പാക്കേജുകള്‍ ഏര്‍പ്പെടുത്തി കെഎസ്ആര്‍ടിസി. ഇന്നായിരുന്നു യാത്രയുടെ തുടക്കം.

## Article Content

** പേരാമ്പ്ര: **പൂജ അവധി ദിനങ്ങളില്‍ ജില്ലയിലെ വിവിധ യൂണിറ്റുകളില്‍ നിന്ന് വിനോദസഞ്ചാര കേന്ദ്രങ്ങളിലേക്ക് പാക്കേജുകള്‍ ഏര്‍പ്പെടുത്തി കെഎസ്ആര്‍ടിസി. ഇന്നായിരുന്നു യാത്രയുടെ തുടക്കം.

കോഴിക്കോട് മെഡിക്കല്‍ കോളേജില്‍ നിന്ന് രാവിലെ 7 മണിക്ക് ആരംഭിച്ച വൈകുന്നേരം തിരിച്ചെത്തിയ ഈ യാത്രയില്‍ തുഷാരഗിരി, പൂക്കോട് തടാകം, വനപര്‍വ്വം എന്നീ വിനോദസഞ്ചാര കേന്ദ്രങ്ങള്‍ ആണ് ഉള്‍പ്പെടുത്തിയിട്ടുള്ളത്. നാളെ മൂന്നാറിലേക്ക് (1900/-) രണ്ട് ദിവസം നീണ്ടു നില്‍ക്കുന്ന യാത്ര താമരശ്ശേരി യൂണിറ്റില്‍ നിന്ന് 6.30 മണിക്ക് ആരംഭിക്കുന്നു.

7.15 ന് കോഴിക്കോട് എത്തുന്ന സംഘം അന്നേ ദിവസം ആതിരപ്പള്ളി - വാഴച്ചാല്‍ - തുമ്പര്‍മുഴി എന്നീ സ്ഥലങ്ങള്‍ സന്ദര്‍ശിച്ചു മൂന്നാറില്‍ എത്തുന്നു. യാത്രയുടെ രണ്ടാം ദിവസം മൂന്നാറിലെ പ്രധാന ഹില്‍ സ്റ്റേഷനുകള്‍, മാട്ടുപ്പെട്ടി - കുണ്ടള ഡാം - ടീ മ്യൂസിയം - മൂന്നാര്‍ ഗാര്‍ഡന്‍ - ടീ കമ്പനി എന്നീ സ്ഥലങ്ങള്‍ സന്ദര്‍ശിച്ച് രാത്രി 7.30 ന് തിരികെ മടങ്ങുന്നു.

പിറ്റേ ദിവസം വെളുപ്പിന് 5 മണിയോടെ കോഴിക്കോട് എത്തിച്ചേരും. യാത്രയില്‍ പങ്കെടുക്കാന്‍ മുന്‍കൂട്ടി രജിസ്റ്റര്‍ ചെയ്യണം. വിശദമായ വിവരങ്ങള്‍ക്ക് കെഎസ്ആര്‍ടിസി യൂണിറ്റുമായി ബന്ധപ്പെടുക : 9544477964, 9846100728

### Related Links & Sources
- [Original Story Source](https://perambra.truevisionnews.com/news/72157/do-you-want-to-go-on-a-cheap-excursion-ksrtc-also-ready-to-travel-during-puja-holidays)