പേരാമ്പ്ര: ചങ്ങരോത്ത് ഗ്രാമ പഞ്ചായത്തിന്റെ നേതൃത്വത്തില്‍ 15 വിദ്യാലയങ്ങളിലെ 4682 വിദ്യാര്‍ത്ഥികള്‍ക്കുള്ള സാനിറ്റൈസര്‍, മാസ്‌ക്, പള്‍സ് ഓക്‌സി മീറ്റര്‍, ഹാന്റ് വാഷ് എന്നിവയടങ്ങിയ കോവിഡ് പ്രതിരോധ കിറ്റുകള്‍ വിതരണം ചെയ്തു.
ഗ്രാമ പഞ്ചായത്ത് പ്രസിഡണ്ട് ഉണ്ണി വേങ്ങേരി ഉദ്ഘാടനം നിര്‍വ്വഹിച്ചു. കോവിഡ് പ്രതിരോധ പ്രവര്‍ത്തനങ്ങള്‍ക്ക് ഗ്രാമ പഞ്ചായത്തിന് കീഴിലുള്ള മുഴുവന്‍ വിദ്യാലയങ്ങള്‍ക്കും എന്ത് ആവശ്യത്തിനു വേണ്ടിയും ഗ്രാമപഞ്ചായത്തിനെ ബന്ധപ്പെടാമെന്ന് അദ്ദേഹം പറഞ്ഞു.
വൈസ് പ്രസിഡണ്ട് ടി.പി റീന അധ്യക്ഷയായി. ചടങ്ങില്‍ വികസന കാര്യ സ്റ്റാന്റിംഗ് കമ്മിറ്റി ചെയര്‍മാന്‍ എം അരവിന്ദാക്ഷന്‍, വാര്‍ഡ് മെമ്പര്‍മാരായ സല്‍മാന്‍, കെ.ടി മൊയ്തീന്‍ എന്നിവര്‍ ആശംസകള്‍ നേര്‍ന്നു.
ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ പാലയാട്ട് ബഷീര്‍ സ്വാഗതവും ചെറിയ കുമ്പളം എല്‍പി സ്‌കൂളിലെ അധ്യാപകനും ഇംപ്ലിമെന്റ് ഓഫീസറും ആയിട്ടുള്ള സാം ഫിലിപ്പ് നന്ദിയും രേഖപ്പെടുത്തി.
Cavid defense kits to schools and panchayat changaroth panchayath
