മേപ്പയ്യൂര്‍: എഐസിസി നിര്‍ദ്ദേശപ്രകാരം ഇന്ധനവില വര്‍ധനവിനെതിരെ രാജ്യവ്യാപകമായി നടത്തുന്ന പ്രക്ഷോഭത്തിന്റെ ഭാഗമായി കേന്ദ്ര ഗവണ്‍മെന്റ് സ്ഥാപനങ്ങള്‍ക്ക് മുന്നില്‍ നവംബര്‍ 18ന് കോണ്‍ഗ്രസ്സ് ധര്‍ണ്ണ നടത്തുന്നു.
മേപ്പയ്യൂര്‍ ബ്ലോക്ക് കോണ്‍ഗ്രസ്സ് കമ്മറ്റിയുടെ നേതൃത്വത്തില്‍ മേപ്പയ്യൂര്‍ പോസ്റ്റ് ഓഫീസിന് മുന്‍പില്‍ നടത്തുന്ന ധര്‍ണ്ണ വിജയിപ്പിക്കുന്നതിനായി സംഘാടക സമിതി രൂപീകരിച്ചു.
യോഗം ഡിസിസി ജനറല്‍ സെക്രട്ടറി ഇ. അശോകന്‍ ഉദ്ഘാടനം ചെയ്തു. ബ്ലോക്ക് കമ്മറ്റി പ്രസിഡണ്ട് കെ.പി. വേണുഗോപാലന്‍ അധ്യക്ഷത വഹിച്ചു.
മേപ്പയ്യൂര്‍ കുഞ്ഞികൃഷ്ണന്‍, ചുക്കോത്ത് ബാലന്‍ നായര്‍, എ.കെ. ഉമ്മര്‍, യു.എന്‍. മോഹനന്‍, ആര്‍.പി. ഷോഭിഷ്, ഇടത്തില്‍ ശിവന്‍, ഇ.കെ. ബാലകൃഷ്ണന്‍, എം.കെ. സുരേന്ദ്രന്‍, റഫീഖ് ഇരിങ്ങത്ത് എന്നിവര്‍ സംസാരിച്ചു.
Congress holds dharna in front of central government institutions on November 18 against fuel price hike
