മേപ്പയ്യൂർ: ജമാഅത്തെ ഇസ് ലാമി മേപ്പയ്യൂർ-പേരാമ്പ്ര ഏരിയകളുടെ നേതൃത്വത്തിൽ മേപ്പയ്യൂർ ടൗണിൽ ഫലസ്തീൻ ഐക്യദാർഢ്യചത്വരവും ബഹുജനറാലിയും സംഘടിപ്പിച്ചു.
മേപ്പയ്യൂർ ഏരിയ പ്രസിഡൻ്റ് ഷെരിഫ് പൊടിയാടി അധ്യക്ഷത വഹിച്ച പരിപാടി ജമാഅത്തെ ഇസ്‌ലാമി ജില്ല വൈസ് പ്രസിഡൻ്റ് സഈദ് എലങ്കമൽ ഐക്യദാർഢ്യ ചത്വരം ഉദ്ഘാടനം ചെയ്തു.
കണ്ണൂർ കാസർക്കോട് മേഖല പ്രസിഡൻ്റ് എം എം മൊഹ്യുദ്ദീൻ മുഖ്യപ്രഭാഷണം നടത്തി. വെൽഫേർ പാർട്ടി വൈസ് പ്രസിഡൻറ് അമീൻ, സോളിഡാരിറ്റി പ്രസിഡൻ്റ് സഈദ് കീഴരിയൂർ, എസ് ഐ ഒ പ്രസിഡൻ്റ് ഷാനിഫ് എന്നിവർ ഐക്യദാർഢൃ പ്രഭാഷണം നിർവഹിച്ചു.
അസ ബഹനാസ് , അസിൻ ബഹനാസ് എന്നിവർ ഐക്യദാർഡ്യ ഗാനം ആലപിച്ചു. പേരാമ്പ്ര ഏരിയ പ്രസിഡൻ്റ് മുബീർ സ്വാഗതവും മേപ്പയ്യൂർ ഏരിയ സെക്രട്ടറി വി.പി അഷ്റഫ് നന്ദിയും പറഞ്ഞു. ബഹുജന റാലിക്ക് നൂറുകണക്കിന് പ്രവർത്തകർ അണിനിരന്നു.
Organized Palestine Solidarity Movement at meppayoor
.jpg)
