---
title: "ഇടവഴിയില്‍ തള്ളിയ സംഭവത്തില്‍ ശക്തമായ പ്രതിഷേധം"
english_title: "Strong Protests Over Dumping In Alley"
publisher: "perambranews.in"
canonical_url: "https://perambra.truevisionnews.com/news/249348/strong-protests-over-dumping-in-alley"
published_at: "2024-11-14T20:46:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/673614a4ae9a8_waste.png"
keywords: []
---

# ഇടവഴിയില്‍ തള്ളിയ സംഭവത്തില്‍ ശക്തമായ പ്രതിഷേധം

> **Lead Summary:** **പേരാമ്പ്ര: **പേരാമ്പ്ര ഗ്രാമപഞ്ചായത്തിലെ പതിനേഴാം വാര്‍ഡില്‍ പ്ലാസ്റ്റിക് ഉള്‍പ്പെടെ മാലിന്യങ്ങള്‍ ഇടവഴിയില്‍ തള്ളിയ സംഭവത്തില്‍ ശക്തമായ പ്രതിഷേധം ഉയര്‍ന്നു. ഈ മാലിന്യത്തിന് മീതെ മണ്ണിട്ട് റോഡ് നിര്‍മിക്കാനുള്ള ശ്രമം പ്രദേശവാസികളുടെ എതിര്‍പ്പിനെ തുടര്‍ന്ന് നിര്‍ത്തിവെച്ചു, കൂടാതെ മാലിന്യങ്ങള്‍ തിരികെ നീക്കുകയും ചെയ്തു.

## Article Content

**പേരാമ്പ്ര: **പേരാമ്പ്ര ഗ്രാമപഞ്ചായത്തിലെ പതിനേഴാം വാര്‍ഡില്‍ പ്ലാസ്റ്റിക് ഉള്‍പ്പെടെ മാലിന്യങ്ങള്‍ ഇടവഴിയില്‍ തള്ളിയ സംഭവത്തില്‍ ശക്തമായ പ്രതിഷേധം ഉയര്‍ന്നു. ഈ മാലിന്യത്തിന് മീതെ മണ്ണിട്ട് റോഡ് നിര്‍മിക്കാനുള്ള ശ്രമം പ്രദേശവാസികളുടെ എതിര്‍പ്പിനെ തുടര്‍ന്ന് നിര്‍ത്തിവെച്ചു, കൂടാതെ മാലിന്യങ്ങള്‍ തിരികെ നീക്കുകയും ചെയ്തു.

ഈ പ്രദേശത്ത് വെനല്‍ക്കാലത്തും ഉറവുനീര്‍ ലഭ്യമായതിനാല്‍ പ്ലാസ്റ്റിക്, ഹോസ്പിറ്റല്‍ മാലിന്യങ്ങള്‍ തള്ളിയത് വലിയ ആരോഗ്യഭീഷണിയുണ്ടാക്കി. ഇതുമൂലം കിണറുകളും മറ്റ് ജലസ്രോതസ്സുകളും മലിനമാകാനുള്ള സാധ്യതയുണ്ട്, കൂടാതെ, മാരക രോഗങ്ങളും ഉണ്ടാകാന്‍ സാധ്യതയുണ്ട്.

സി.പി.ഐ.എം. എരവട്ടൂര്‍ ടൗണ്‍ ബ്രാഞ്ച് യോഗത്തില്‍ മാലിന്യത്തില്‍ മണ്ണ് മൂടിയിരിക്കുന്ന ഭാഗം പരിശോധിച്ച് ആവശ്യമെങ്കില്‍ നീക്കം ചെയ്യണമെന്ന് ആവശ്യപ്പെട്ടു. യോഗത്തില്‍ കെ. സുരേഷ് അധ്യക്ഷനായി, എം.എം. രാജേഷ്, ഷാജി തലത്താറ,ടി.പി ഗംഗാധരന്‍ , ഇ.എം ബാബു ഏ.കെ ബാബു എന്നിവര്‍ പ്രസംഗിച്ചു.

പഞ്ചായത്തിന്റെ ഹരിത കര്‍മ്മസേനയുടെ നേതൃത്വത്തില്‍ വീടുകളില്‍ നിന്ന് മാലിന്യ ശേഖരണ സംവിധാനമുണ്ടായിട്ടും, ഈ ഇടവഴിയില്‍ മാലിന്യം തള്ളിയത് വലിയ പ്രശ്‌നമായി. മാലിന്യത്തിന്റെ ഉറവിടം കണ്ടെത്തി, കുറ്റക്കാര്‍ക്കെതിരെ ശക്തമായ നടപടികള്‍ എടുക്കണമെന്നും യോഗം ആവശ്യപ്പെട്ടു.

### Related Links & Sources
- [Original Story Source](https://perambra.truevisionnews.com/news/249348/strong-protests-over-dumping-in-alley)