വാളൂര്‍: നൊച്ചാട് കുടുംബാരോഗ്യ റോഡ് തകര്‍ന്ന് യാത്ര ദുഷ്‌കരമായി.നൊച്ചാട് ഒമ്പാതാം വാര്‍ഡില്‍ പുളിയോട്ടുമുക്ക് - കായണ്ണ പ്രദേശങ്ങളില്‍ നിന്നും നിരവധി രോഗികളും മറ്റു പ്രദേശവാസികളും ആശ്രയിക്കുന്ന പ്രധാന റോഡാണിത്. വിവിധ സ്‌കൂളുകളിലേക്ക് കുട്ടികളെ എത്തിക്കുന്നതിന് ബസ്സ് കടന്നു പോകുന്നതും ഈ റോഡുവഴിയാണ്.
കാല്‍നട യാത്രക്കാരും ഇരുചക്ര വാഹന യാത്രക്കാരും ഈ റോഡിലൂടെ രാത്രിയുള്ള യാത്രയില്‍ റോഡിന്റെ സൈഡിലുള്ള കുഴി കാണാതെ കുഴിയില്‍ വീണ സ്ഥിതിയും ഉണ്ടായിട്ടുണ്ട്.
നിരവധി തവണ പ്രശ്‌നം അധികാരികളുടെ ശ്രദ്ധയില്‍പ്പെടുത്തിയിട്ടും ഒരു പരിഹാരവും ഉണ്ടായിട്ടില്ല.ഈ പ്രശ്‌നം അടിയന്തരമായി പരിഹരിച്ചില്ലെങ്കില്‍ വന്‍ ദുരന്തത്തിനു ഇടയാക്കും എന്നത് പ്രദേശവാസികളെ ആശങ്കയിലാക്കിയിരിക്കുന്നു.
A miserable journey on the Valoor Nochad Family Health Road
.jpg)
