---
title: "വാഹനാപകടം; രണ്ട് മേപ്പയ്യൂര്‍ സ്വദേശികള്‍ മരിച്ചു"
english_title: "car accident; Two natives of Mepayyur died"
publisher: "perambranews.in"
canonical_url: "https://perambra.truevisionnews.com/news/260713/car-accident-two-natives-of-mepayyur-died"
published_at: "2025-01-02T21:36:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6776ba7846941_awe.jpg"
keywords: []
---

# വാഹനാപകടം; രണ്ട് മേപ്പയ്യൂര്‍ സ്വദേശികള്‍ മരിച്ചു

> **Lead Summary:** **മേപ്പയ്യൂര്‍:** തമിഴ്‌നാട് ദിണ്ടിഗലില്‍ ഉണ്ടായ വാഹന അപകടത്തില്‍ രണ്ട് മേപ്പയ്യൂര്‍ സ്വദേശികള്‍ മരിച്ചു. ജനകീയ മുക്ക് പാറച്ചാലില്‍ ശോഭ , പാറച്ചാലില്‍ ശോഭന എന്നിവരാണ് മരിച്ചത്.

## Article Content

**മേപ്പയ്യൂര്‍:** തമിഴ്‌നാട് ദിണ്ടിഗലില്‍ ഉണ്ടായ വാഹന അപകടത്തില്‍ രണ്ട് മേപ്പയ്യൂര്‍ സ്വദേശികള്‍ മരിച്ചു. ജനകീയ മുക്ക് പാറച്ചാലില്‍ ശോഭ , പാറച്ചാലില്‍ ശോഭന എന്നിവരാണ് മരിച്ചത്.

അപകടത്തില്‍ പത്തോളം പേര്‍ക്ക് പരിക്കേറ്റതായാണ് വിവരം. ക്ഷേത്ര ദര്‍ശനം കഴിഞ്ഞ് മടങ്ങുമ്പോള്‍ ഇവര്‍ സഞ്ചരിച്ച ഇന്നോവ കാര്‍ നിയന്ത്രണം വിട്ട് ഹൈവേയുടെ കോണ്‍ക്രീറ്റ് ബാരിയറില്‍ ഇടിച്ചുകയറുകയായിരുന്നു. ഇടിയുടെ ആഘാതത്തില്‍ കാര്‍ തകര്‍ന്നു.

ശോഭയുടെ ഭര്‍ത്താവ്: പരേതനായ ഗോവിന്ദന്‍ (റിട്ട. ആരോഗ്യ വകുപ്പ്). മക്കള്‍ സോജി, ജോസി. മരുമക്കള്‍ പ്രദീപന്‍ (ഫയര്‍ ഫോഴ്‌സ്), അരവിന്ദന്‍ (ഫുഡ് & സേഫ്റ്റി).

ശോഭനയുടെ ഭര്‍ത്താവ് പരേതനായ ബാലകൃഷ്ണന്‍. മക്കള്‍ ഷബിന്‍ (ബെവ്‌കോ), അശ്വതി കൃഷ്ണ. മരുമക്കള്‍ അഞ്ജലി, മിഥുന്‍ രാജ്. കൂടെയുണ്ടായിരുന്ന പരിക്കേറ്റവരെ മധുര മിഷന്‍ ആശുപത്രിയില്‍ പ്രവേശിപ്പിച്ചു. പരിക്കേറ്റവരിൽ മൂന്ന് കുഞ്ഞുങ്ങളും രണ്ട് സ്ത്രീകളുമുണ്ട്.

### Related Links & Sources
- [Original Story Source](https://perambra.truevisionnews.com/news/260713/car-accident-two-natives-of-mepayyur-died)