---
title: "ഭാവഗായകന്‍ പി ജയചന്ദ്രന്റെ സംസ്‌കാരം നാളെ "
english_title: "Bhavagayakan P Jayachandran's cremation tomorrow at trishur"
publisher: "perambranews.in"
canonical_url: "https://perambra.truevisionnews.com/news/262368/bhavagayakan-p-jayachandrans-cremation-tomorrow-at-trishur"
published_at: "2025-01-10T10:44:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6780ad62cd7bd_ajjj.jpg"
keywords: []
---

# ഭാവഗായകന്‍ പി ജയചന്ദ്രന്റെ സംസ്‌കാരം നാളെ 

> **Lead Summary:** **തൃശ്ശൂര്‍: **ഭാവഗായകന്‍ പി ജയചന്ദ്രന്റെ സംസ്‌കാരം നാളെ. മൃതദേഹം തൃശൂരിലെ സ്വകാര്യ ആശുപത്രിയിലെ മോര്‍ച്ചറിയില്‍നിന്ന് പൂങ്കുന്നത്തെ സഹോദരിയുടെ വീട്ടിലെത്തിക്കും.

## Article Content

**തൃശ്ശൂര്‍: **ഭാവഗായകന്‍ പി ജയചന്ദ്രന്റെ സംസ്‌കാരം നാളെ. മൃതദേഹം തൃശൂരിലെ സ്വകാര്യ ആശുപത്രിയിലെ മോര്‍ച്ചറിയില്‍നിന്ന് പൂങ്കുന്നത്തെ സഹോദരിയുടെ വീട്ടിലെത്തിക്കും.

10 മുതല്‍ 12 വരെ തൃശ്ശൂര്‍ സംഗീത അക്കാദമി ഹാളില്‍ പൊതുദര്‍ശനമുണ്ടാകും.തിരികെ പൂങ്കുന്നത്തെ വീട്ടിലെത്തിച്ചതിന് ശേഷം നാളെ ജന്മദേശമായ നോര്‍ത്ത് പറവൂരിലെ പാലിയത്തേക്ക് കൊണ്ടുപോകും. പാലിയത്തെ തറവാട്ടില്‍ നാളെ രാവിലെ 9 മുതല്‍ പൊതുദര്‍ശനം ഒരുക്കിയിട്ടുണ്ട്.

നാളെ ഉച്ചതിരിഞ്ഞ് മൂന്ന് മണിക്ക് പറവൂര്‍ ചേന്ദമംഗലം പാലിയത്ത് വീട്ടിലായിരിക്കും സംസ്‌കാരം. ഇന്നലെ വൈകിട്ട് വീട്ടില്‍ കുഴഞ്ഞു വീണതിന് പിന്നാലെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ഏഴേമുക്കാലോടെ മരണം സംഭവിക്കുകയായിരുന്നു. പി. ജയചന്ദ്രന് സ്മരണാഞ്ജലി അര്‍പ്പിച്ച് മലയാളം.

### Related Links & Sources
- [Original Story Source](https://perambra.truevisionnews.com/news/262368/bhavagayakan-p-jayachandrans-cremation-tomorrow-at-trishur)