പേരാമ്പ്ര: നന്മ മനസ്സുകള്‍ക്ക് ചങ്ങരോത്ത് ഗ്രാമ പഞ്ചായത്ത് 14-ാം വാര്‍ഡ് വികസന സമിതി ആദരവ് നല്‍കി.
കടിയങ്ങാട് അടക്ക പറിക്കുന്നതിനിടയില്‍ യന്ത്രത്തില്‍ കാല്‍ കുടുങ്ങി തലകീഴായി കിടന്ന വയോധികനായ തൊട്ടാര്‍ മയങ്ങിയില്‍ അമ്മദ് ഹാജിയെ അപകടത്തില്‍ നിന്ന് രക്ഷിക്കുന്നതില്‍ സമയോചിതമായി രക്ഷാദൗത്യത്തിന് സഹായകരമായ പ്രവര്‍ത്തനം നടത്തിയ റിജേഷ് കടിയങ്ങാട് പാലം, മുനീര്‍ മലയില്‍, റിയാസ് നാഗത്ത് എന്നിവരെയും സംഭവം ആദ്യം കണ്ട് നാട്ടുകാരെ വിവരം അറിയിച്ച തൊഴിലുറപ്പ് തൊഴിലാളികളെയും ആദരിച്ചു.
കൂടാതെ രാഷ്ട്രപതിയുടെ അഗ്‌നിരക്ഷാ മെഡല്‍ നേടിയ പേരാമ്പ്ര അഗ്‌നി രക്ഷാനിലയത്തിലെ അസി. സ്റ്റേഷന്‍ ഓഫീസര്‍ പി.സി പ്രേമന്‍, വീട് കയറി പ്ലാസ്റ്റിക് സാധനം ശേഖരിക്കുന്നതിനിടയില്‍ കളഞ്ഞ് കിട്ടിയ പൈസ വീട്ടുകാരേ തിരിച്ചേല്‍പ്പിച്ച ഹരിത കര്‍മ്മസേനാ അംഗങ്ങളായ മീനാക്ഷി, പ്രീത എന്നിവരേയും ചടങ്ങില്‍ വെച്ച് ചങ്ങരോത്ത് ഗ്രാമ പഞ്ചായത്ത് 14-ാം വാര്‍ഡ് വികസന സമിതി ആദരിച്ചു.
വാര്‍ഡ് അംഗം കെ.എം ഇസ്മായില്‍ ഉപഹാരം കൈമാറി. ചടങ്ങില്‍ മൂസ കോത്തമ്പ്ര അധ്യക്ഷത വഹിച്ചു. പി.എം സത്യന്‍, പി.എം മൊയ്തു, ടി.വി നിജേഷ്, സിഡിഎസ് അംഗം മീനാക്ഷി മുള്ളമ്പലത്തില്‍, എം.പി ധന്യ എന്നിവര്‍ സംസാരിച്ചു. കെ.പി ഗിരീശന്‍ സ്വാഗതം പറഞ്ഞ ചടങ്ങില്‍ സാറ നന്ദിയും പറഞ്ഞു.
Changaroth Gram Panchayat Ward Development Committee with respect to good minds
.jpg)
