---
title: "പേരാമ്പ്രയില്‍ കാര്‍ കനാലില്‍ വീണു; കുടുംബം രക്ഷപ്പെട്ടത് അത്ഭുതകരമായി "
english_title: "Car falls into canal in Perambra; family miraculously survives"
publisher: "perambranews.in"
canonical_url: "https://perambra.truevisionnews.com/news/277723/car-falls-into-canal-in-perambra-family-miraculously-survives"
published_at: "2025-03-20T12:17:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/67dbbb04c33fd_cart.jpg"
keywords: []
---

# പേരാമ്പ്രയില്‍ കാര്‍ കനാലില്‍ വീണു; കുടുംബം രക്ഷപ്പെട്ടത് അത്ഭുതകരമായി 

> **Lead Summary:** **കൂത്താളി:** കൂത്താളി പഞ്ചായത്ത് 7-ാം വാര്‍ഡ് വളയം കണ്ടം തണ്ടോറപ്പാറ അക്‌ഡേറ്റിന് സമീപം കാര്‍ കനാലില്‍ വീണു. പെരുവണ്ണാമൂഴി ജലസേചന പദ്ധതിയുടെ മെയിന്‍ കനാലിലേക്കാണ് വാഗണര്‍ കാര്‍ വീണത്. ഇന്ന് രാവിലെ 6 മണിയോടെയാണ് സംഭവം.

## Article Content

**കൂത്താളി:** കൂത്താളി പഞ്ചായത്ത് 7-ാം വാര്‍ഡ് വളയം കണ്ടം തണ്ടോറപ്പാറ അക്‌ഡേറ്റിന് സമീപം കാര്‍ കനാലില്‍ വീണു. പെരുവണ്ണാമൂഴി ജലസേചന പദ്ധതിയുടെ മെയിന്‍ കനാലിലേക്കാണ് വാഗണര്‍ കാര്‍ വീണത്. ഇന്ന് രാവിലെ 6 മണിയോടെയാണ് സംഭവം.

ചെമ്പ്ര കുഞ്ഞിപ്പറമ്പില്‍ രജീഷ് (40), അമിത (36) എന്നിവരാണ് കാറില്‍ ഉണ്ടായിരുന്നത്. പേരാമ്പ്ര ഭാഗത്തേക്ക് പോകുകയായിരുന്നു ഇവര്‍. ഏകദേശം മൂന്നു മീറ്ററോളം വെള്ളമുള്ള കനാലിലാണ് കാര്‍ വീണത്.

കനലിന് ഈ ഭാഗത്തു സംരക്ഷണ വേലി ഇല്ല. ശബ്ദം കേട്ട് ഓടിയെത്തിയ നാട്ടുകാര്‍ ഉടനെതന്നെ കനാലില്‍ ഇറങ്ങി കാറിന്റെ സൈഡ് ഗ്ലാസ് പൊട്ടിച്ചാണ് ഇരുവരെയും പുറത്തെത്തിച്ചത്. ജലജീവന്‍ പദ്ധതിയുടെ പൈപ്പിടല്‍ ജോലി നടക്കുന്ന സ്ഥലമാണ് ഇവിടം.

### Related Links & Sources
- [Original Story Source](https://perambra.truevisionnews.com/news/277723/car-falls-into-canal-in-perambra-family-miraculously-survives)