അരിക്കുളം: കോഴിക്കോട് ജില്ലയിലെ അറിയപ്പെടുന്ന ജീവകാരുണ്യ പ്രവര്ത്തകന് ഇമ്പിച്ച്യാലി സിത്താര നിര്‍മ്മിച്ചു നല്‍കുന്ന വീടിന്റെ തറക്കല്ലിടല്‍ നടന്നു. അരിക്കുളം വാകമോളിയില്‍ വരപ്പുറത്ത് ബിന്ദുവിനും,കുടുംബത്തിനുമാണ്
വീട് നിര്‍മ്മിച്ച് നല്‍കുന്നത്. ഷാഫി പറമ്പില്‍ എം.പി തറക്കല്ലിടല്‍ കര്‍മ്മം നിര്‍വ്വഹിച്ചു.ആയിരം വേദികളില്‍ കയറി പ്രസംഗിക്കുന്നതിനേക്കാള്‍ വലുതാണ് ഒരു പൊതു പ്രവര്ത്തകന് ഏതെങ്കിലുമൊരു പുണ്യകര്‍മ്മത്തില്‍ പങ്കെടുത്ത് സംസാരിക്കുമ്പോള്‍ കിട്ടുന്ന മന:സന്തോഷമെന്ന് അദ്ദേഹം അഭിപ്രായപ്പട്ടു.
അരിക്കുളം മണ്ഡലം കോണ്‍ഗ്രസ്സ് പ്രസിഡണ്ട് ശശി ഊട്ടേരി അധ്യക്ഷത വഹിച്ചു. സി രാമദാസ്, എം.കെ അബ്ദുറഹ്‌മാന്‍, മുസ്തഫ നന്മന, അബ്ദുല്‍ സലാം തറവട്ടത്ത്, മന്‍സൂര്‍ തറവട്ടത്ത്, അഡ്വ:ടി.പി മുഹമ്മദ് ബഷീര്‍, അഷറഫ് പുളിയനാട്, സി.കെ മുഹമ്മദ് അമീന്‍ തുടങ്ങിയവര്‍ സംസാരിച്ചു. പ്രദേശത്തിനു വേണ്ടി നിയാസ് വാകമോളി പൊന്നാട അണിയിച്ചു.
വി.പി.കെ ലത്തീഫ്, സി.കെ സജീര്‍, മുജീബ് വരപ്പുറത്ത് തുടങ്ങിയവര്‍ പരിപാടിക്ക് നേതൃത്വം നല്‍കി. ആവള മുഹമ്മദ് സ്വാഗതവും പറഞ്ഞ ചടങ്ങിന് സനല്‍ പി. വാകമോളി നന്ദിയും പറഞ്ഞു
The foundation stone laying ceremony of Sneha House was held.
.jpg)
