---
title: "തോട് നവീകരണ പ്രവര്‍ത്തി പൂര്‍ത്തീകരിക്കാത്തത് യാത്ര ദുരിതത്തിലായി"
english_title: "The incomplete renovation of the canal has caused travel difficulties "
publisher: "perambranews.in"
canonical_url: "https://perambra.truevisionnews.com/news/301296/the-incomplete-renovation-of-the-canal-has-caused-travel-difficulties"
published_at: "2025-07-08T13:59:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/686cd81545e9f_alo.jpg"
keywords: []
---

# തോട് നവീകരണ പ്രവര്‍ത്തി പൂര്‍ത്തീകരിക്കാത്തത് യാത്ര ദുരിതത്തിലായി

> **Lead Summary:** **വാളൂര്‍: **നൊച്ചാട് ഗ്രാമപഞ്ചായത്തിലെ ഒമ്പതാം വാര്‍ഡിലെ ചാത്തോത് - കണ്ണമ്പത് കുനി താഴെ തോട് നവീകരണ പ്രവര്‍ത്തി പൂര്‍ത്തീകരിക്കാത്തത് യാത്ര ദുരിതത്തിലായി.

## Article Content

**വാളൂര്‍: **നൊച്ചാട് ഗ്രാമപഞ്ചായത്തിലെ ഒമ്പതാം വാര്‍ഡിലെ ചാത്തോത് - കണ്ണമ്പത് കുനി താഴെ തോട് നവീകരണ പ്രവര്‍ത്തി പൂര്‍ത്തീകരിക്കാത്തത് യാത്ര ദുരിതത്തിലായി.

തോടിന്റെ ഇരുവശത്തെ വീട്ടിലേക്ക് എത്തുവാന്‍ ഏറെ ബുദ്ധിമുട്ടുകയാണ്. തോട്ടില്‍ നിന്ന് മഴവെള്ളം കുത്തി ഒഴുക്കുന്നത് സമീപത്തെ പറമ്പിലൂടെയാണ്. ഇത് കാരണം കണ്ണമ്പത്ത് കുനി വീട്ടിലേക്കുള്ള വഴി തടസ്സപ്പെട്ടിരിക്കുകയാണ്. ഈ ദുരിതയാത്ര വാര്‍ഡ് അംഗം ഉള്‍പ്പെടെ ബന്ധപ്പെട്ടവരെ അറിയിച്ചിട്ട് ഒരു പരിഹാരവും ഉണ്ടായില്ല എന്ന് സമീപവാസികള്‍ പറഞ്ഞു.

വീട്ടിലെ രേഗികളെ ആശുപത്രിയില്‍ എത്തിക്കുവാനും, വീട്ടില്‍ നിന്ന് മറ്റു ആവശ്യങ്ങള്‍ക്ക് വേണ്ടി പുറത്തേക്ക് ഇറങ്ങുവാനും ഈ കുടുംബം പ്രയാസ്സപ്പെട്ടിരിക്കുകയാണ്. എത്രയും പെട്ടന്ന് ബന്ധപ്പെട്ട അധികാരികള്‍ ഇടപ്പെട്ട് ഇതിനൊരു പരിഹാരം ഉണ്ടാക്കണമെന്ന് സമീപവാസികള്‍ ആവശ്യപ്പെടുന്നു.

### Related Links & Sources
- [Original Story Source](https://perambra.truevisionnews.com/news/301296/the-incomplete-renovation-of-the-canal-has-caused-travel-difficulties)