---
title: " റോഡിലെ കുഴികള്‍ അപകട കുഴികളാകുന്നു"
english_title: "Potholes on the road become dangerous pits at muyippoth"
publisher: "perambranews.in"
canonical_url: "https://perambra.truevisionnews.com/news/302654/potholes-on-the-road-become-dangerous-pits-at-muyippoth"
published_at: "2025-07-15T13:56:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6876124ccff6a_road.JPG"
keywords: []
---

#  റോഡിലെ കുഴികള്‍ അപകട കുഴികളാകുന്നു

> **Lead Summary:** **മുയിപ്പോത്ത്: **മുയിപ്പോത്ത് വിയ്യംചിറ റോഡില്‍ മുയിപ്പോത്ത് ടൗണില്‍ നിന്നും ഏകദേശം 500 മീറ്റര്‍ അകലെ കീരിയോട്ട് താഴെ റോഡിനു തുടക്കത്തില്‍ റോഡിനു കുറുകെ അര മീറ്റര്‍ ആഴത്തില്‍ താര്‍ ഇളകി റോഡ് മുഴുവന്‍ വലിയ കുഴികള്‍ രൂപപ്പെട്ടിരിക്കുകയാണ്.

## Article Content

**മുയിപ്പോത്ത്: **മുയിപ്പോത്ത് വിയ്യംചിറ റോഡില്‍ മുയിപ്പോത്ത് ടൗണില്‍ നിന്നും ഏകദേശം 500 മീറ്റര്‍ അകലെ കീരിയോട്ട് താഴെ റോഡിനു തുടക്കത്തില്‍ റോഡിനു കുറുകെ അര മീറ്റര്‍ ആഴത്തില്‍ താര്‍ ഇളകി റോഡ് മുഴുവന്‍ വലിയ കുഴികള്‍ രൂപപ്പെട്ടിരിക്കുകയാണ്.

ഇരുചക്ര വാഹനങ്ങള്‍ ഈ കുഴിയില്‍ വീണ് ഗുരുതരമായ അപകടം സംഭവിച്ചേക്കാം, മാത്രമല്ല ഒട്ടനവധി സ്‌കൂള്‍ വിദ്യാര്‍ത്ഥികളും കാല്‍നട യാത്രക്കാരും ഇതുമുലം പ്രയാസം അനുഭവിക്കുകയാണ്. മഴക്കാലമായതോടെയാണ് യാത്ര ദുഷ്‌ക്കരമായത്.

ഈ റോഡ് റീടാര്‍ ചെയ്തിട്ട് ഏകദേശം രണ്ടു വര്‍ഷം മാത്രമേ ആയിട്ടുള്ളു ജില്ലാ പഞ്ചായത്തിന്റെ കീഴിലാണ് പ്രസ്തുത റോഡിന്റെ പ്രവര്‍ത്തി നടന്നിരുന്നത്. ഈ വിഷയത്തില്‍ ബന്ധപ്പെട്ട അധികാരികളുടെ സത്വര ശ്രദ്ധ പതിയണമെന്ന് വയലോരം കൂട്ടായ്മ അധികൃതരോട് ആവശ്യപ്പെട്ടു.

### Related Links & Sources
- [Original Story Source](https://perambra.truevisionnews.com/news/302654/potholes-on-the-road-become-dangerous-pits-at-muyippoth)