---
title: "റോഡിന്റെ ശോചനീയാവസ്ഥക്കെതിരെ റോഡില്‍ വാഴവെച്ച് പ്രതിഷേധം."
english_title: "Protest against the poor condition of the road by placing bananas on the road."
publisher: "perambranews.in"
canonical_url: "https://perambra.truevisionnews.com/news/304983/protest-against-the-poor-condition-of-the-road-by-placing-bananas-on-the-road"
published_at: "2025-07-27T21:26:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68864c4c94be8_croad.JPG"
keywords: []
---

# റോഡിന്റെ ശോചനീയാവസ്ഥക്കെതിരെ റോഡില്‍ വാഴവെച്ച് പ്രതിഷേധം.

> **Lead Summary:** **ചെറുവണ്ണൂര്‍: **റോഡിന്റെ ശോചനീയാവസ്ഥക്കെതിരെ റോഡില്‍ വാഴവെച്ച് പ്രതിഷേധം. ചെറുവണ്ണൂര്‍ മേപ്പയ്യൂര്‍ റോഡ് തകര്‍ന്ന് ഗതാഗതം ദുര്‍ഘടമായതിനെതിരെ യൂത്ത് കോണ്‍ഗ്രസ് ചെറുവണ്ണൂര്‍ മണ്ഡലം കമ്മിറ്റിയുടെ ആഭിമുഖ്യത്തിലാണ് റോഡില്‍ വാഴവെച്ച് പ്രതിഷേധിച്ചത്.

## Article Content

**ചെറുവണ്ണൂര്‍: **റോഡിന്റെ ശോചനീയാവസ്ഥക്കെതിരെ റോഡില്‍ വാഴവെച്ച് പ്രതിഷേധം. ചെറുവണ്ണൂര്‍ മേപ്പയ്യൂര്‍ റോഡ് തകര്‍ന്ന് ഗതാഗതം ദുര്‍ഘടമായതിനെതിരെ യൂത്ത് കോണ്‍ഗ്രസ് ചെറുവണ്ണൂര്‍ മണ്ഡലം കമ്മിറ്റിയുടെ ആഭിമുഖ്യത്തിലാണ് റോഡില്‍ വാഴവെച്ച് പ്രതിഷേധിച്ചത്.

ആംബുലന്‍സുകള്‍ക്കും മറ്റ് വാഹനങ്ങളിലും ഈ വഴി യാത്ര ചെയ്യേണ്ടിവരുന്ന വിദ്യാര്‍ത്ഥികള്‍, സ്ത്രീകള്‍, സാധാരണ ജനങ്ങള്‍ എന്നിവര്‍ക്കെല്ലാം അത്യന്തം പ്രയാസം നേരിടേണ്ടി വരുകയാണ്. കുഴികളും ചെളിയും നിറഞ്ഞ ഈ റോഡില്‍ ഇരു ചക്ര വാഹന യാത്രക്കാരും കടന്നുപോകാന്‍ പറ്റാത്ത നിലയിലായിരിക്കുകയാണ്. പൊതുമരാമത്ത് വകുപ്പിന്റെ അനാസ്ഥയാണ് ഈ റോഡിന്റെ ഇന്നത്തെ അവസ്ഥക്ക് കാരണമെന്ന് പ്രതിഷേധക്കാര്‍ പറഞ്ഞു.

യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി ജെസ്മിന മജീദ് ഉദ്ഘാടനം ചെയ്തു. പി .നജീബ് അധ്യക്ഷത വഹിച്ചു. മണ്ഡലം സെക്രട്ടറിമാരായ എ.പി.എം ദികേഷ്, പി.ഫൈസല്‍, വിഷ്ണു പങ്കജ്, ബാസില്‍ പാലിശ്ശേരി, സി.സജീര്‍ , ഒ.പി റഫീഖ് തുടങ്ങിയവര്‍ നേതൃത്വം നല്‍കി.

### Related Links & Sources
- [Original Story Source](https://perambra.truevisionnews.com/news/304983/protest-against-the-poor-condition-of-the-road-by-placing-bananas-on-the-road)