പേരാമ്പ്ര : മുതിര്‍ന്ന കോണ്‍ഗ്രസ് നേതാവും ചങ്ങരോത്ത് ഗ്രാമപഞ്ചായത്ത് മുന്‍ പ്രസിഡന്റും പേരാമ്പ്ര ബ്ലോക്ക് പഞ്ചായത്ത് പ്രസിഡന്റ് ചുമതലയും വഹിച്ച കെ. സദാനന്ദന്റെ 6ാം ചരമവാര്‍ഷിക ദിനം മണ്ഡലം കോണ്‍ഗ്രസ് കമ്മിറ്റിയുടെ ആഭി മുഖ്യത്തില്‍ സമുചിതമായി ആചരിച്ചു.
കാലത്ത് പാലേരിയിലെ വീട്ടുവളപ്പിലെ ശവകുടീരത്തില്‍ പുഷ്പാര്‍ച്ചനയും അനുസ്മരണ യോഗവും നടത്തി.
തുടര്‍ന്ന് സദാനന്ദന്റെ വിധവ ചന്ദ്രിക്ക് യുഡിഎഫ് ജില്ല ചെയര്‍മാന്‍ കെ. ബാലനാരായണന്‍ മെമ്പര്‍ഷിപ്പ് നല്‍കി മണ്ഡലത്തിലെ കോണ്‍ഗ്രസ് മെമ്പര്‍ഷിപ്പ് ക്യാമ്പയിന് തുടക്കമായി.
അനുസ്മരണ യോഗത്തില്‍ മണ്ഡലം പ്രസിഡന്റ് ഇ.ടി. സരീഷ് അധ്യക്ഷത വഹിച്ചു. കെ. ബാലനാരായണന്‍, ഡിസിസി സെക്രട്ടറി ഇ.വി. രാമചന്ദ്രന്‍, കെ.വി. രാഘവന്‍, കര്‍ഷക കോണ്‍ഗ്രസ് സംസ്ഥാന സെക്രട്ടറി എന്‍.പി. വിജയന്‍ എന്നിവര്‍ സംസാരിച്ചു.
മണ്ഡലം സെക്രട്ടറി ഹരീന്ദ്രന്‍ വാഴയില്‍ സ്വാഗതവും നടുക്കണ്ടി മൊയ്തു നന്ദിയും പറഞ്ഞു.
പുഷ്പാര്‍ച്ചനക്ക് ബ്ലോക്ക് കോണ്‍ഗ്രസ് സെക്രട്ടറി കല്ലൂര്‍ വിനോദന്‍, യൂത്ത് കോണ്‍ഗ്രസ് മണ്ഡലം പ്രസിഡന്റ് അരുണ്‍ പെരുമന, എന്‍.എസ്. നിധീഷ്, ഇ.സി. സന്ദീപ്, ശ്രീനാഥ് കിഴക്കയില്‍, സന്തോഷ് കോശി, ശ്രീനി കരുവാങ്കണ്ടി, ശ്രീലേഷ് കുളിര്‍മ, സി.എം. പ്രജീഷ്, രാജീവന്‍ കൂവ്വപ്പള്ളി, രജീഷ് പാലേരി, ബാലന്‍ നടുക്കണ്ടി, കെ.ടി. രവീന്ദ്രന്‍, പി.സി. അമ്മത്, ശ്രീധരന്‍ പാലേരി, പി.പി. രാജീവന്‍, മോഹനന്‍ പുത്തന്‍പുരയില്‍, യു.പി. ഹമീദ്, ഏരത്ത് സുരേന്ദ്രന്‍ തുടങ്ങിയവര്‍ നേതൃത്വം നല്‍കി.
K. Congress on launching Sadanand's renewed Changaroth membership campaign
