പേരാമ്പ്ര: ഭാരത സർക്കാർ സാമൂഹിക നീതി& ശാക്തീകരണ മന്ത്രാലയത്തിന്റെ 2020 ലെ ഔട്ട് സ്റ്റാന്‍ഡിംഗ് ക്രിയേറ്റീവ് അഡള്‍ട്ട് ഭിന്നശേഷി മേഖല അവാര്‍ഡ് പെരുവണ്ണാമൂഴിക്കാരനായ എം.എ ജോണ്‍സന്.75 ശതമാനം ഭിന്നശേഷിക്കാരനായ ജോണ്‍സനെ എല്‍.ഇ.ഡി മേഖലയില്‍ നല്‍കിയ സംഭാവന കണക്കിലെടുത്താണ് അവാര്‍ഡിന് പരിഗണിച്ചത്.
കേരളത്തില്‍ നിന്നും നാല് പേരാണ് പുരസ്‌കാരത്തിന് അര്‍ഹരായത്. ജോണ്‍സനെ കൂടാതെ കാസര്‍ഗോഡ് കൊടക്കാട് സ്വദേശിനി എം.വി സതിയ്ക്കും, മലപ്പുറം മുട്ടന്നൂരിലെ എന്‍ റിന്‍ഷമോള്‍ക്കും കോട്ടയം പുളിയന്നൂരിലെ രശ്മി മോഹനും ലഭിച്ചു.
ഡിസംബര്‍ 3 ന് ന്യൂഡല്‍ഹിയില്‍ നടക്കുന്ന ചടങ്ങില്‍ അവാര്‍ഡ് സമ്മാനിക്കുമെന്ന് സാമൂഹിക നീതി വകുപ്പ് അറിയിച്ചു. ഭാര്യയും രണ്ട് കുട്ടികളുമടങ്ങുന്ന കുടുംബമാണ് ജോണ്‍സണ്‍ന്റേത്.
Johnson National Award at Peruvannamoozhi
.jpg)
