ഉള്ളിയേരി: ഉള്ളിയേരിയിലും പരിസരപ്രദേശങ്ങളിലും തെരുവ് വിളക്കുകള്‍ കത്താതായിട്ട് മാസങ്ങളായി. കൊയിലാണ്ടി താമരശ്ശേരി സംസ്ഥാനപാതയില്‍ റോഡ് നവീകരണ പ്രവൃത്തി നടക്കുന്നതിനാല്‍ ചെറുതും വലുതുമായ നിരവധി കുഴികള്‍ ഉണ്ട്.
ഇത് രാത്രികാലങ്ങളില്‍ കാല്‍നടയാത്രക്കാര്‍ക്കും വാഹനങ്ങള്‍ക്കും അപകടഭീഷണി ഉയര്‍ത്തിക്കൊണ്ടു നില്‍ക്കുകയാണ്. ഈ പ്രശ്‌നത്തിന് അടിയന്തരമായി അധികൃതരുടെ ഭാഗത്തുനിന്നും വേണ്ട നടപടികള്‍ സ്വീകരിക്കണമെന്ന് ജനതാദള്‍ എസ് ഉള്ളിയേരി പഞ്ചായത്ത് കണ്‍വെന്‍ഷന്‍ ആവശ്യപ്പെട്ടു.
കണ്‍വെന്‍ഷന്‍ ജനതാദള്‍ എസ് ബാലുശ്ശേരി നിയോജക മണ്ഡലം പ്രസിഡണ്ട് ഇ. അഹമ്മദ് ഉദ്ഘാടനം ചെയ്തു. ശശി തയ്യുള്ളതില്‍ അധ്യക്ഷനായി. നിജീഷ് നാറാത്ത്, സുരേഷ്, ടി.കെ കരുണാകരന്‍ തുടങ്ങിയവര്‍ സംസാരിച്ചു. അരുണ്‍ നമ്പിയാട്ടില്‍ നന്ദിയും പറഞ്ഞു.
Street lights should be lit; Janata Dal S.
.jpg)
