മേപ്പയ്യൂര്: ജീവിച്ചു കൊണ്ടിരിക്കുന്ന കാലത്തിന്റെ പരിമിതികളെയെല്ലാം അതിജീവിച്ച് മുന്നേറാന് ഒരു ജനതയെ പ്രാപ്തമാക്കുന്ന രാഷ്ട്രീയ നിലപാടുകളിലൂടെ കാലത്തെ അതിവര്ത്തിച്ച മഹാന്നുഭാവനാണ് എ.വി അബ്ദുറഹിമാന് ഹാജിയെന്ന് മുസ്ലിം ലീഗ് അഖിലേന്ത്യാ ജനറല് സെക്രട്ടറി പി.കെ കുഞ്ഞാലിക്കുട്ടി പറഞ്ഞു.
പ്രതിസന്ധി ഘട്ടങ്ങളിലെല്ലാം പാര്ട്ടിക്കും സമൂഹത്തിനും ആശ്വാസ തീരമായി മാറാന് എ.വിക്ക് സാധിച്ചു. ദാര്ശനികമാനമുള്ള വാക്കും പ്രവൃത്തിയും മാത്രമേ എ.വി യില് നിന്ന് ഉണ്ടായിട്ടുള്ളൂ. വിദ്യാഭ്യാസത്തിലൂടെ വിമോചനം എന്ന മഹത് വചനം സ്വാംശീകരിച്ച എ.വി യോടൊപ്പമുള്ള പ്രവര്ത്തന കാലം ജീവിതത്തിലെ അനര്ഘ നിമിഷങ്ങളാണെന്നും കുഞ്ഞാലിക്കുട്ടി ഓര്മ്മിപ്പിച്ചു.
എ.വിയുടെ പതിനാറാം ചരമവാര്ഷികത്തോടനുബന്ധിച്ച് മേപ്പയ്യൂര് പഞ്ചായത്ത് മുസ്ലിം ലീഗ് കമ്മിറ്റി സംഘടിപ്പിച്ച അനുസ്മരണ സായാഹ്നം ഉദ്ഘാടനം ചെയ്യുകയായിരുന്നു അദ്ദേഹം.
മരണാനന്തരം സംവത്സരങ്ങള് കഴിഞ്ഞിട്ടും എ വി യെക്കുറിച്ചുള്ള ഓര്മ്മകള് പങ്കുവെയ്ക്കാന് ആയിരങ്ങള് തടിച്ചുകൂടുന്നത് എന്നത് അദ്ദേഹത്തിന്റെ മഹത്വം വിളിച്ചോതുന്നുവെന്ന് പ്രഭാഷണം നടത്തിയ എഴുത്തുകാരനും സാമൂഹിക നിരീക്ഷകനുമായ എന്.പി ഹാഫിസ് മുഹമ്മദ് അഭിപ്രായപ്പെട്ടു.
എം.എം അഷറഫ് സ്വാഗതം പറഞ്ഞു. എം.കെ അബ്ദുറഹിമാന് അധ്യക്ഷനായി. ചടങ്ങില് കുന്നങ്ങാത്ത് മൊയ്തീന്, കെ.കെ കുഞ്ഞമ്മദ് ഹോണസ്റ്റി, സി.കെ ഇബ്രാഹിം തുടങ്ങിവരെ ചടങ്ങില് ആദരിച്ചു. എന്.വി സാവിത്ത് സ്നേഹസമ്മാനം നല്കി.
എന്.പി ഹാഫിസ് മുഹമ്മദ് അനുസ്മരണ പ്രഭാഷണം നടത്തി. കെ.ടി രാജന്, പി.ടി രേഷ്മ, ഡോ.അബ്ദുള് ബാസിത്ത് ഉപഹാരസമര്പ്പണം നടത്തി. ഉമ്മര് പാണ്ടികശാല, അഡ്വ. കെ പ്രവീണ് കുമാര്, ഡോ. ഹുസൈന് മടവൂര്, റഫീഖ് സകരിയ്യ ഫൈസി,പിയൂഷ് എം നമ്പൂതിരിപ്പാട് തുടങ്ങിയവര് പ്രഭാഷണം നടത്തി.
അഹ്മദ് പുന്നക്കല്, എസ്.പി കുഞ്ഞമ്മദ്, ഏ.വി അബ്ദുള്ള, സി.പി.എ അസീസ്, മിസ്ഹബ് കീഴരിയൂര്, ലത്തീഫ് തുറയൂര്, പി.കെ അബ്ദുള്ള, ആര്.കെ മുനീര്, ടി.കെ.എ ലത്തീഫ്, എം.കെ.സി കുട്ട്യാലി, വി.വി.എം ബഷീര്, എം.കെ ഫാരിസു റഹ്മാന് തുടങ്ങി തുടങ്ങിയവര് ചടങ്ങില് സന്നിഹിതരായിരുന്നു. കെ അനവര് നന്ദിയും പറഞ്ഞു.
The politics of AV transcends time: PK Kunhalikutty