പേരാമ്പ്ര: ശ്രീനാരായണ ഗുരു അടക്കമുള്ള അനേകം മഹാരഥന്മാര്‍ വികസിപ്പിച്ചെടുത്ത കേരളത്തിന്റെ മതനിരപേക്ഷതയുടെ സവിശേഷ സംസ്‌കാരം കണ്ണിലെ കൃഷ്ണമണി പോലെ കാത്തു സൂക്ഷിക്കുകയാണ് കേരളീയര്‍ ഏറ്റടുക്കേണ്ട കടമയെന്ന് നിരൂപകനും എഴുത്തുകാരനുമായ കുഞ്ഞിക്കണ്ണന്‍ വാണിമേല്‍ അഭിപ്രായപ്പെട്ടു.
പൈതോത്ത് പുതുതായി രൂപീകരിച്ച ഓപ്പണ്‍ സ്‌പേസ് സാംസ്‌കാരിക കേന്ദ്രത്തിന്റെ വായനശാല ഉദ്ഘാടനത്തോടനുബന്ധിച്ച് നവോത്ഥാന കേരളം -വര്‍ത്തമാനവും ഭാവിയും എന്ന വിഷയത്തില്‍ പ്രഭാഷണം നടത്തുകയായിരുന്നു അദ്ദേഹം.
കൂത്താളി ഗ്രാമപഞ്ചായത്ത് പ്രസിഡന്റ് കെ.കെ. ബിന്ദു ഉത്ഘാടനം ചെയ്തു.
ഇ.കെ. ബാലസുബ്രഹ്മണ്യന്‍ അധ്യക്ഷത വഹിച്ചു. വി.എം. അനുപ് കുമാര്‍, കെ പി .സജീഷ്,ഡോ. പി.ടി.അബ്ദുല്‍ അസീസ്, എം.പി.കെ.അഹമ്മദ് കുട്ടി, എം.കെ ബിജു എന്നിവര്‍ സംസാരിച്ചു.
Python has opened the newly formed Open Space Cultural Center
