മേപ്പയ്യൂര്‍: മുന്‍ എംഎല്‍എയും വിദ്യാഭ്യാസ പ്രവര്‍ത്തകനും മുതിര്‍ന്ന മുസ്ലീം ലീഗ് നേതാവുമായിരുന്ന എ.വി അബ്ദുറഹിമാന്‍ ഹാജി അനുസ്മരണവും സമകാലീന ഇന്ത്യ നാലാമത് പ്രഭാഷണ പരമ്പരയും നവംബര്‍ 21 ന് മേപ്പയ്യൂര്‍ സലഫിയ്യ ക്യാമ്പസില്‍ നടക്കുമെന്ന് ഭാരവാഹികള്‍ അറിയിച്ചു.
സലഫിയ്യ അസോസിയേഷന് കീഴിലുള്ള എ.വി ചെയറിന്റെ നേതൃത്വത്തിലാണ് അനുസ്മരണ പരിപാടി സംഘടിപ്പിക്കുന്നത്.
നവംബര്‍ 21 ന് വ്യാഴാഴ്ച രാവിലെ 10 മണിക്ക് മേപ്പയ്യൂര്‍ സലഫി ക്യാമ്പസില്‍ വെച്ച് നടക്കുന്ന പരിപാടി ടി.പി. രാമകൃഷ്ണന്‍ എംഎല്‍എ ഉദ്ഘാടനം ചെയ്യും.
ഇന്ത്യയില്‍ മതേതരത്വം അവശേഷിക്കുമോ എന്ന വിഷയത്തില്‍ സമകാലീന ഇന്ത്യ പ്രഭാഷണ പരമ്പരയിലെ നാലാമത് പ്രഭാഷണം സംസ്ഥാന ആസൂത്രണ ബോര്‍ഡ് മുന്‍ അംഗവും സാമൂഹ്യ ചിന്തകനുമായ സി.പി. ജോണ്‍ നിര്‍വഹിക്കും.
സലഫിയ്യ അസോസിയേഷന് പ്രസിഡണ്ട് ഡോ. ഹുസൈന്‍ മടവൂര്‍ അധ്യക്ഷനാവും. എ.വി ഉമ്മര്‍ പാണ്ടികശാല അനുസ്മരണ പ്രഭാഷണം നടത്തും. മേപ്പയ്യൂര്‍ ഗ്രാമപഞ്ചായത്ത് പ്രസിഡണ്ട് കെ.ടി. രാജന്‍ സലഫിയ്യ അസോസിയേഷനു കീഴിലെ സ്ഥാപനങ്ങളിലെ വിവിധ മേഖലകളില്‍ കഴിവു തെളിയിച്ച വിദ്യാര്‍ത്ഥികളെ ആദരിക്കും.
വാര്‍ത്താസമ്മേളനത്തില്‍ സലഫിയ്യ അസോസിയേഷന് ജനറല്‍ സെക്രട്ടറി എ.വി.അബ്ദുല്ല, ട്രഷറര്‍ അബ്ദുറഹിമാന്‍, സെക്രട്ടറി എ.പി.അസീസ് മാസ്റ്റര്‍ കണ്‍വീനര്‍ അജയ് ആവള, ചെയര്‍ മാന്‍ പ്രൊഫ.അബ്ദുല്‍ സലാം എന്നിവര്‍ പങ്കെടുത്തു.
AV Commemoration and Contemporary India lecture series on November 21 at meppayoor
